ՀԿ նոր օրինագիծը չի բխում ՀՀ Սահմանադրության պահանջներից, քանի որ լրացուցիչ պարտականություններ և պահանջներ է սահմանում հասարակական կազմակերպությունների համար Մենք, հայաստանյան հասարակական կազմակերպությոնւներս մեր մտահոգությունն ենք հայտնում ս.թ. սեպտեմբերի 23-ին ՀՀ կառավարության կողմից հավանության արժանացած ՙՀասարակական կազմակերպությունների մասին՚ ՀՀ օրենքում փոփոխություններ ու լրացումներ կատարելու մասին՚ ՀՀ օրենքի նախագծի կապակցությամբ: Անընդունելի ենք համարում վերոհիշյալ օրինագծի մշակման, ներկայացման և Կառավարության նիստում հաստատման ոչ թափանցիկ ու անհասկանալի գործընթացները, ինչով, ըստ էության, արհամարhվել է ժողովրդավարության հիմնական հենասյուներից մեկը` քաղաքացիական հասարակության ինստիտուտը: Նախագծում առաջարկվող փոփոխությունների ու լրացումների զգալի մասը գնահատում ենք որպես էական սպառնալիք Հայաստանի Հանրապետությունում քաղաքացիական հասարակության կայացման գործընթացում: Օրինագիծը • ստեղծում է դժվարություններ տպագիր մամուլով տեղեկատվություն հրապարակելու հետ կապված. • առաջացնում է հարկային, սոցապ և այլ հաշվետվությունների ներկայացմանն առնչվող ավելորդ վարչարարություն` կրկնելով վերահսկողական այլ պետական կառույցների գործառույթները. • վտանգում է հասարակական կազմակերպությունների ինքնակառավարման սկզբունքի իրականացումը (ՀԿ օրենք, հորդված 5) • ստեղծում է պետության կողմից ՀԿ-ների գործունեությանն ուղղակի միջամտելու հնարավորություն: Առաջարկվող փոփոխությունները չեն համապատասխանում հասարակական կազմակերպությոնւների իրավական կարգավիճակի կանոնակարգման ոլորում առկա միջազգային փաստաթղթերի ոգուն, մասնավորապես` Եվրոպայի նախարարների կոմիտեի անդամ երկրներին ուղղված Rec(2007)14 հանձնարարականի դրույթներին: Առավել ևս անհասկանալի է, թե ՙՀասարակական կազմակերպությոնւների մասին օրենքում փոփոխությունների մտցնելու՚ պարագայում ինչ հիմքով են մտցվել նշված դրույթները և փոխարենը անտեսվել տարբեր ՀԿ-ների կողմից արդեն տարիներ շարունակ քարոզվող այն փոփոխությունները, որոնք առավել բարենպաստ միջավայր կստեղծեին քաղաքացիական հասարակության կայացման համար: Հաշվի առնելով վերոնշյալը, կոչ ենք անում ՀՀ կառավարությանը`

1. Ազգային ժողովից ետ կանչել ՙՀասարակական կազմակերոպւթյունների մասին՚ ՀՀ օրենքում փոփոխություններ և լրացումներ կատարելու մասին օրենքի նախագիծը.

2. ՙՀասարակական կազմակերպությունների մասին՚ օրենքի նախագիծը լրամշակել` ներառելով ՀԿ-ների արդյունավետ ու թափանցիկ գործունեությանն ու կայունությանն ուղղված առաջարկները.

3. Օրինագիծն ընդունել` ապահովելով հասարակայնության լայն մասնակցություն: